ترەمپ بە فەرمی بووەوە بە سەرۆکی ئەمریکا

964+

شۆرش قادری

دۆناڵد ترەمپ کاندیدی کۆمارییەکان بۆ هەڵبژاردنی سەرۆکایەتی ئەمریکا سەرکەوتنی بەدەستهێنا و بە فەرمی بوو بە 47ـەمین سەرۆکی ئەو وڵاتە.

بەپێی میدیاکانی ئەمریکا، دۆناڵد ترەمپ 277 ئەندامی دەستەی بەربژێرانی بردووەتەوە و کامالا هاریسی رکابەریشی 224 ئەندامی بەدەست هێناوە، بەوەش ترەمپ سەرکەوتنی لە هەڵبژاردن بەدەستهێناوە و بووەتە 47ـەمین سەرۆکی ئەمریکا.

دۆناڵد ترەمپ: سوپاس بۆ گەلی ئەمریكا سەرۆكی ژمارە 47یان هەڵبژارد

چەند کاتژمێرێک پێش ئێستا دۆناڵد ترەمپ لە پاڵم بیچ لە فلۆریدا بۆ هەوادارانی قسە کرد و وتی، “ئێوە سەرۆكی ژمارە 47تان هەڵبژارد، من لە پێناو ئێوەدا دەجەنگم و ناوەستم تا گەشانەوە پێشكەش بە ئەمریكا دەكەم، گەلی ئەمریكا رێگامان پێدەدات ئەمریكا شكۆدار بكەین”.

دواتر سەرۆكی هەرێمی كوردستان نێچیرڤان بارزانی وەك یەكەم سیاسی و سەركردە لە عێراق و هەرێمی كوردستان پیرۆزبایی خۆی ئاراستەی دۆناڵد ترەمپ كرد و لە تۆڕی کۆمەڵایەتی ئێكس نووسی، “گەرمترین پیرۆزبایی لە سەرۆكی هەڵبژێردراو دۆناڵد ترەمپ و جێگرەكەی جەی دی ڤانز دەكەم بەبۆنەی سەركەوتنیان لە هەڵبژاردن”.

دۆناڵد ترەمپ لە پەنسلڤانیا لە پێشەوەیە

سەرۆكی هەرێمی كوردستان پیرۆزبایی لە دۆناڵد ترەمپ دەكات