چوار دزی ماتۆڕسکیل لە هەولێر دەستگیر کران- وێنە: پۆلیسی هەولێر
مامەڵە بە کەلوپەلی دزیاری مەکەن
لە هەولێر چوار دزی ماتۆڕسکیل دەستگیر کران
964+
شۆڕش قادری
لە هەولێر چوار کەس دەستگیر کران کە لە چەند شوێنێک ماتۆڕسکیلیان دزیوە، پۆلیسیش دەڵێت، ئەو کەسانەی مامەڵە بە کەلوپەلی دزیارییەوە دەکەن، دەستگیر دەکرێن و رادەستی دادگا دەکرێن.
کارزان ساڵح بەڕێوەبەری راگەیاندنی پۆلیسی هەولێر بە 964ـی وت، چوار تۆمەتباریان دەستگیر کردووە کە لە کات و شوێنی جیادا چەند ماتۆڕسکیلێکیان دزیبوو.
“سەرجەم تۆمەتباران کوردن، پەڕاوی لێکۆڵینەوەیان بۆ کراوەتەوە و دراونەتە دادگا”، کارزان ساڵح وای وت.
پۆلیسی هەولێر هۆشداری دەداتە سەرجەم ئەو کەسانەی کە کڕین و فرۆشتن بە ماتۆڕسکیل و هەر کەلوپەلێکی دزیاری دەکەن و دەڵێت، “رێکاری یاساییان بەرامبەر دەگرینەبەر و رادەستی دادگایان دەکەین”.
