بەلێو دەخورێت
چەوەندەرە سوورەکەی دەڤەری بەرگارە پێگەیشت
964+
هیڤی دێوالی – دهۆک
ئەمساڵ بەرهەمی چەوەندەر لە دەڤەری بەرگارەی پارێزگای دهۆک زیادی کردووە و بە قسەی جوتیاران، لە هەر زەوییەک 10 تۆن چەوەندەر بەرهەم هاتووە.
دەڤەری بەرگارە سەر بە قەزای ئامێدییە و بەناوبانگە بە چەوەندەرەکەی، چونکە گەورە و رەنگێکی سوور و جوانیان هەیە و تام و لەززەتێکی خۆشیشیان هەیە و بەلێو دەخورێن.
عیسا بەرگارەیی موختاری گوندی پیرۆزانا بە 964ـی وت، “ساڵی پار بەهۆی نەخۆشییەکی دەگمەن بەرهەمی چەوەندەرمان کەمبوو، بەلام ئەمساڵ سەرەرای بەردەوامی بۆردومانەکانی تورکیا و سووتانی باخەکانمان، بەرهەمەکەمان زیادی کردووە، ئێستاش کاتی لێیکردنەوەی چەوەندەرە و تا کۆتایی ساڵ بەردەوام دەبین”.
“ساڵی رابردوو حەوت تۆن بەرهەمی چەوەندەرم هەبوو، بەڵام پێدەچێت ئەمساڵ، 12 تۆن بەرهەمم هەبێت”، عیسا بەرگارەیی وای وت.
ئاماژەی بەوەشکرد، ناوچەکەیان بەناوبانگە بە چەوەندەر و بەرهەمەکە هەناردەی پارێزگاکانی دیکەی هەرێمی کوردستان و عێراق دەکرێت، هەر جوتیارێکیش ساڵانە زیاتر لە 10 تۆن چەوەندەر دەفرۆشێت.
بە قسەی عیسا، “لە ئێستادا نرخی هەر کیلۆیەک چەوەندەر بە هەزار دینارە و بەروارد بە ساڵی رابردوو گرانترە، تا بەرەو کۆتایی ساڵیش بڕۆین، گرانتر دەبێت و کیلۆی بۆ نزیکەی دوو هەزار و 500 دینار بەرزدەبێتەوە.
پێداچوونەوە: شۆڕش قادری
ئەمساڵ بەرهەمی چەوەندەری بەرگارەی کەمیکردووە
ئەمساڵ هەنگوینە بەناوبانگەکەی دەڤەری بەرگارەی کەمتر دەبێت
