لیژنەی بەڕێوەبەرایەتی وەرزشی کوردستان لە دهۆک وێـنە: بەڕێوەبەرایەتی وەرزشی کوردستان
لە یەکترى جیابوونەوە
بەڕێوەبەرایەتی گشتی وەرزشی دهۆک و زاخۆ ماڵ جیایى دەکەن
+964
ژێوار خدر
بەڕێوەبەرایەتی وەرزشی دهۆک و زاخۆ جیاکرانەوە، زاخۆش بوو بە خاوەنی بەڕێوەبەرایەتییەکی سەربەخۆی وەرزشی تایبەت بەخۆی.
ئەمڕۆ سێشەممە 31.10.2024، بەڕیوەبەرایەتی گشتی وەرزشی کوردستان، رایگەیاند، لیژنەیەکی تایبەتیاب پێکهێناوە کە سەردانی هەردوو شاری دهۆک و زاخۆیان کردووە، بۆ جێبەجێکردنی بڕیاری جیاکردنەوەی هەردوو بەڕێوەبەرایەتییەکە.
دەشڵێت، لیژنەکە سەرەتا سەردانی شاری دهۆکیان کردووە و دوای گفتوگۆ کردن لەسەر بابەتەکان بڕیاری جیاکردنەوەی هەردوو بەڕێوەبەرایەتییان جێبەجێ کردووە، دواتر دۆسیەی فەرمانبەرانی بەڕێوەبەرایەتیی زاخۆ جیاکراوەتەوە کە 11 فەرمانبەر بوون.
روونیشیکردووەتەوە، هەردوو یانەی زاخۆ و باتیفا لە بەڕێوەبەرایەتیی وەرزشی دهۆکەوە بۆ بەڕێوەبەرایەتیی وەرزشی زاخۆ گوازرانەتەوە، بەهەمان شێوە 73 وەرزشوانی دێرینی زاخۆش لە بەڕێوەبەرایەتیی وەرزشی دهۆکەوە بۆ سەر بەڕێوەبەرایەتیی وەرزشی زاخۆ گواستنەوەیان بۆ کراوە.
