بەر ماڵێک کەوتووە
گولەتۆپێک لە سەنتەری گوندی گوهەرزێ کەوتەخوارەوە
964+
هیڤی دێوالی-دهۆک
گولەتۆپێک لە سەربانی مالێکی سەنتەری گوندی گوهەرزێ کەوتەخوارەوە، موختاری گوندەکەش دەڵێت، زیانی گیانی نەبووە و تەنیا زیان بە ماڵەکە و ئۆتۆمبێلێک کەوتووە.
ئەمڕۆ سێشەممە 22.10.2024، لە نزیک کاتژمێر 8:50ـی شەو، دەنگێکی بەهێز لە ناو گوندەکە بیسترا و هاوڵاتیانی گوندەکە لە ترسی دەنگەکە هاتوونەتە دەرەوە، دواتر دەرکەوتووە کە گولەتۆپێک بەر سەربانی ماڵێک کەوتووە و زیان بە ئۆتۆمبێلێک و ماڵێک.
ئەحمەد سەعدولا، موختاری گوندی گوهەرزێ بە 964ـی وت، پێش چەند خولەکێک دەنگێکی زۆر بەهێزیان بیستووە و گولەتۆپێک لە سەنتەری گوندەکە لە سەربانی مالێک کەوتووەتە خوارەوە و زیانی گیانی نەبووە، بەڵام زیانێکی زۆری بە ماڵەکە گەیاندووە لەگەڵ ئۆتۆمبێلێک.
وتیشی، نزیکەی سێ هەفتەیە هیچ گولەتۆپێک لە ناو سەنتەری گوندەکە نەکەوتووە خوارەوە ، بەڵام دوای 24 رۆژ ئەم گولەتۆپە کەوتەخوارەوە.
گوندی گوهەرزێ دەکەوێتە ناحیەی دێرەلوک لە سنووری قەزای ئامێدی، هەڵکەوتەی گوندەکە نزیکە لە شەڕی نێوان پەکەکە و تورکیا.
پێداچوونەوە: هاوبەش
