گرافیک؛ 964+
دهۆك له‌ماوه‌ى مانگێكدا
له‌هه‌ر دوو كاتژمێرێكدا 5 منداڵ له‌دایكده‌بن و 4 كه‌سيش ششتنه‌وه‌ى گورچیله‌یان بۆ ده‌كرێت
964+
فه‌رهاد حه‌سه‌ن
له دهۆك، به‌پێی ئامارێكی ناوه‌نده ته‌ندروستییه‌كان كه به‌ڕێوه‌به‌رایه‌تى گشتى ته‌ندروستى بڵاویده‌كاته‌وه، له‌هه‌ر دوو كاتژمێردا پێنج منداڵ له‌دایك ده‌بن و چوار كه‌سیش كارى ششتنه‌وه‌ى گورچیله‌یان بۆ ده‌كرێت.
ئاماره‌كه‌ى ته‌ندروستى هه‌فتانه بڵاوده‌كرێته‌وه، به‌ڵام ئه‌مجاره ئامارى چوار هه‌فته‌مان بۆ كۆكردوونه‌ته‌وه و ئه‌وه به‌رچاوه كه له سنورى پارێزگاى دهۆك منداڵبوون و ششتنه‌وه‌ى گورچیله دوو له دیارده ته‌ندروستییه باوه‌كانن.
به‌پێی ئاماره‌كه كه له 1.9.2024 تاوه‌كو 30.9.2024 ـه، كۆى ژماره‌ى له‌دایكبوونى منداڵ بریتی بووه له هه‌زار و 794 و ژماره‌ى ئه‌و هاوڵاتیانه‌ش كه ششتنه‌وه‌ى گورچیله‌یان بۆ ئه‌نجام دراوه بریتییه له هه‌زار و 397.
له‌هه‌فته‌ى یه‌كه‌مى مانگه‌كه‌دا 451 منداڵ له‌دایكبوونه، هه‌فته‌ى دووه‌م 459، هه‌فته‌ى سێیه‌م 448 و له‌هه‌فته‌ی چواره‌میشدا 436 منداڵ.
سه‌باره‌ت به ششتنه‌وه‌ى گورچیله‌ش، هه‌فته‌ى یه‌كه‌م 110 حاڵه‌ت، هه‌فته‌ى دووه‌م 426، هه‌فته‌ى سێیه‌م 422 و هه‌فته‌ى چواره‌میش 439 حاڵه‌ت بووه.
به‌گشتى مانگانه 60 منداڵ له‌دایك ده‌بن و 46 هاوڵاتی ششتنه‌وه‌ى گورچیله‌یان بۆ ئه‌نجام ده‌درێت.
