پزیشکانی موقیم لە نەخۆشخانەی شەهید رەئوف بەگ بایکۆتی دەوامیان کرد

964+

بڕوا مەجید – شارەزوور

لە بەیانی ئەمڕۆ چوارشەممە 2.10.2024 پزیشکانی موقیم لە هۆبەی فریاکەوتنی نەخۆشخانەی گشتی شەهید رەئوف بەگ لە شارەزوور بایکۆتی دەوامیان کردووە و نەخۆشخانەیان جێهێشتووە

کەمال محمد، راگەیاندنی نەخۆشخانەی گشتی شەهید رەئوف بەگ بە 964ـی وت، لەکاتژمێر 8:00ـی بەیانی ئەمڕۆ چوارشەممەوە پزیشکانی موقیم دەوری لە هۆبەی فریاکەوتنی نەخۆشخانەکە بایکۆتی دەوامیان کردووە و نەخۆشخانەیان جێهێشتووە.

وتیشی، کارمەندان لە دەوامی خۆیانن و تەنیا بۆ حاڵەتی زەرور و تەواری نەخۆش دەبین.

لە دوێنێوە بەشێک لەپزیشکانی موقیم لە بەشی فریاکەوتنی قەزاکانی سەیدسادق و پێنجوێن و شارەزوور و پارێزگای هەڵەبجەش بایکۆتی دەوامیان کردووە بەهۆی پێنەدانی موچەکانیان.

پێداچوونەوە: توانا نەقی

لە سلێمانیش پزیشکانی نیشتەجێی خولاو بایکۆتی دەوامیان کرد