باران کۆتایی دێت و پلەی گەرماش بەرزدەبێتەوە

شۆڕش قادری

ئەمڕۆ لە هەندێک ناوچە نمەباران هەر دەمێنێ، بەڵام سبەی کۆتایی دێت و پلەی گەرماش بەرزدەبێتەوە.

وەک کەشناسی کوردستان پێشبینی کردووە، ئەمڕۆ شەممە 3.10.2026 ئاسمان بە گشتی نیمچە هەور دەبێت لەگەڵ بارینی نمە باران لە هەندێک کاتدا بە تایبەتی لە ناوچە شاخاوییەکان و بەشێک لە ناوچەکانی پارێزگای سلێمانی و دهۆک و گەرمیان و ئیدارەی سەربەخۆی سۆران و ئیدارەی راپەڕین.

بەڵام بۆ سبەی یەکشەممە لە هیچ شوێنێک باران نییە و پلەی گەرماش یەک بۆ دوو پلەی سیلیزی بەرزدەبێتەوە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 28 پلەی سیلیزی

سلێمانی: 24 پلەی سیلیزی

دهۆک: 28 پلەی سیلیزی

هەڵەبجە: 29 پلەی سیلیزی

سۆران: 25 پلەی سیلیزی

پیرمام: 23 پلەی سیلیزی

چەمچەماڵ: 28 پلەی سیلیزی

زاخۆ: 28 پلەی سیلیزی

ئاکرێ: 27 پلەی سیلیزی

گەرمیان: 33 پلەی سیلیزی

حاجی ئۆمەران: 17 پلەی سیلیزی