خۆى کێشاوە بە پردێکدا
لە قوشتەپە ماتۆڕسوارێک گیانى لەدەست دا
964+
شۆڕش هەرکی – هەولێر
کاتژمێر 10ـى ئەمشەو، لە سنوورى قەزاى قوشتەى پارێزگاى هەولێر، ماتۆڕسوارێکى بە نەتەوە عەرەب خۆى دەکێشێت بە پردێکدا و گیان لەدەست دەدات.
هاوڕێ بەکر، شایەدحاڵ و دانیشتووی قوشتەپە بە 964ـى وت،”گەنجەکە لە رێگاى گوندى قوشتەپە بۆ نێو قەزاکە کە رێگایەکى تاریکە و هیچ رووناکییەکى لێ نییە، خۆى کێشا بە پردێکدا و بەسەختى بریندار بوو و بەهۆیەوە ماتۆڕەکە ئاگرى گرتووە”.
وەک باسى دەکات، هەر زوو دانیشتوانى ناوچەکە بەهانایەوە چوون، بەڵام بەهۆی سەختی برینەکەی گیانی لەدەست دا.
روونیشى کردەوە، گەنجەکە تەمەنى 22 ساڵە و پاسەوانى یەکێک لە کێڵگە پەلەوەرییەکانى سنوورەکە بوو.
پۆلیسى قەزاى قوشتەپە، پشتڕاستى رووداوەکە و گیان لەدەستدانى ماتۆڕسوارەکەى بۆ 964 کردەوە.
پێداچوونەوە: وریا فەتاح
