کاتی کۆکردنەوەی خاشاکەکە وێنە: شارەوانی بەحرکە
لەسەر زۆربەی رێگە سەرەکییەکانی
زیاترلە 700 تۆن زبڵ و خاشاك له بەحرکە هەڵگیرایەوە
964+
ژێوار خدر
لە هەڵمەتێکدا کە لەلایەن شارەوانی ناحیەی بەحرکەوە رێکخرابوو، زیاتر لە 700 تۆن زبڵ و خاشاک بە درێژایی 200 کیلۆمەتر لەسەر رێگە سەرەکییەکان پاک کرایەوە.
سەرۆکایەتی شارەوانی بەحرکە لە تۆڕی کۆمەڵایەتی فەیسبوک بڵاویکردووەتەوە، ماوەی یەک هەفتەیە هەڵمەتەکەیان دەستپێکردووە و دوێنێ پێنجشەممە، هەڵمەتەکە کۆتایی پێهاتووە.
روونیشیکردووەتەوە، 25 ژینگە پارێز لە هەڵمەتەکەدا بەشدارییان کردووە، چوار شۆڤڵ و شەش گەڵابەش بەکارهێندراون لەگەڵ دەیان ئامێری دەستی.
بەپێ بڵاوکراوەکەی شارەوانی بەحرکە، بەشێکی زۆری رێگە سەرەکییەکانی سنووری ناحییەکەیان لە زبڵ و خاشاک پاککردووەتەوە، لەوانەش رێگەی سەرەکی بەحرکە تا کوتاییەکەی، پردی قەڵامۆرتک تا دەگاتە بەحرکە، رێگەی بەحرکە تا دەگاتەوە کەلەکان، پاکردنەوەی گۆڕستان بە گشتی و رێگەی بەحرکە تاکو جەژنیکان و رێگەی هەردوو کەمپەکان.
