دیمهنێكی كاتى بهڕێوهچوونى خوولهكه... وێنه: سه‌ندیكاى ئه‌ندازیارانى كشتوكاڵى دهۆك
سه‌ندیكا: ده‌مانه‌وێت خۆیان بژیێنن
ئه‌ندازیارانى كشتوكاڵى دهۆك فێری به‌خێوكردنى هه‌نگ ده‌كرێن
964+
فه‌رهاد حه‌سه‌ن
ژماره‌یه‌ك ئه‌ندازیارى كشتوكاڵى دهۆك خراونه‌ته ناو خولێكی راهێنانى پیشه‌یی بۆ ئه‌وه‌ى فێرى به‌خۆكردنى هه‌نگ بكرێن، سكرتێری سه‌ندیكاى ئه‌ندازیارانیش ده‌ڵێت، ده‌یانه‌وێت هه‌م فێرى ئه‌م پیشه‌یه ببن و هه‌میش خۆیان به‌و پیشه‌یه بژیێنن.
خوله‌كه، له دوێنێوه دەستی پێکردووە و له‌لایه‌ن لقی دهۆكی سه‌ندیكاى ئه‌ندازیارانى كشتوكاڵی، به هاوكارى به‌ڕێوه‌بەرایه‌تیى گشتیى كشتوكاڵى دهۆك به‌ڕێوه‌ده‌چێت.
ئه‌ندازیاره به‌شداربووه‌كان له خوله‌كه ژماره‌یان 35 ئه‌ندازیاره و ماوه‌ى سێ رۆژ له خوله‌کەدا ده‌مێننه‌وه و سبه‌ى پێنجشه‌ممه‌ش كۆتایی دێت.
نێچیرڤان حازم ئه‌رتوشی، سه‌رۆكى لقی دهۆكى سەندیکاى ئه‌ندازیارانى كشتوكاڵى، به 964ـى وت، ئه‌و ئه‌ندازیارانه‌ى به‌شدارییان كردووه خۆیان حه‌ز و خولیای ئه‌م پیشه‌یه‌یان هه‌یه و ئه‌وانیش ده‌یانه‌وێت له رووێكى زانستییه‌وه ئه‌م پیشه‌یه فێرببن.
وتیشی “خوله‌كه بۆ ئه‌وان سه‌ره‌تاییه و ده‌مانه‌وێت چۆنیه‌تى ده‌ستپێكردنى پڕۆژه‌ى به‌خێوكردنى هه‌نگ بزانن”
ئاماژه‌ى به‌وه‌ش كرد، دواى كۆتاییهاتنى خوله‌كه كه‌لوپه‌ل و پێداویستى تایبه‌ت به هه‌نگ به‌سه‌ر به‌شداربووانى خوله‌كه دابه‌ش ده‌كرێت.
