964+
لە ئاوى بەنداوەکەدا
لە بەستۆرە مێردمنداڵێک خنکا
964+
ئەحمەد شەمزین- هەولێر
کەمێک پێش ئێستا، مێردمنداڵێک لە ئاوى بەنداوى بەستۆرەدا خنکا.
شاخەوان سەعید، وتەبێژى بەرگرى شارستانى هەولێر بە 964ـى وت،”کەمێک لەمەوبەر، دوو مێردمنداڵ بۆ مەلەکردن چوونەتە بەنداوى بەستۆرە، یەکێکیان خنکاوە و ئەوەى دیکەش رزگارکراوە”.
ئەحمەد جەمال هەرکى، دانیشتوى بەستۆرە بە 964ـى وت، دوو مێردمنداڵ لەناو ئاوى بەنداوى بەستۆرە دەرهێنراونەتەوە و بۆ نەخۆشخانەى پیرمام گواستراونەتەوە، یەکیان بە ئامێرى هەناسەدان رزگارکراوە و ئەوەى تر گیانى لەدەستداوە.
مێردمنداڵە خنکاوەکە تەمەنى 15 ساڵە و ناوى (هـ، هــ،ع)ـە و دانیشتووى گوندى گراوە
24.6.2023، بەردی بناغەی بەنداوی بەستۆرە دانرا کە توانای گلدانەوەی 20 ملیۆن مەتر سێجا ئاوی هەیە.
بەنداوەکە دەکەوێتە بەرامبەر گوندی سێوەکە لە رێگەی چوون بۆ هەنارە و بەرامبەر ناحیەى بەستۆرە.
قوڵی گلدانەوەی ئاوی بەنداوەکە 30 مەترە و بەرزییەکەشی 35 مەتر دەبێت، درێژییەکەی لە سەرەوە 620 مەترە و لە قوڵاییەکەشی 300 مەترە.
پێداچوونەوە: وریا فەتاح
