کرێکارێک لە کاتی رشاندنی درەختەکان وێنە: شارەوانی چەمچەماڵ
لە دژی مێرووی زیانبەخش
شارەوانیی چەمچەماڵ دارەکانی دەڕشێنێت
964+
ژێوار خدر
شارەوانیی چەمچەماڵ، هەڵمەتێکی بۆ رشاندنی درەختی بلوارەکان دەستپیکردووە بۆ پارێزگاریکردن لە وشک بوون و زەرد بوونیان.
رۆژی یەکشەممە، هۆبەی باخچەکانی شارەوانیی چەمچەماڵ دەستیانکردووە بە هەڵمەتی دەرمانڕشتن بەسەر درەختەکانی شەقامەکانی ناوەندی شار و بلواری شەقامی کەرکوک – سلێمانی.
شارەوانییەکە لە پۆستێکدا کە لە تۆڕی کۆمەڵایەتی فەیسبوک بڵاوی کردووەتەوە، باسی لە جۆری ئەو دەرمانە کردووە کە لە هەڵمەتەکەدا بەکاری دەهێنن و دەڵێت، قڕکەری جاڵجاڵۆکەیە و دەبێتە هۆی لەناوبردنی ئەو جالجاڵۆکەو مێرووانەی، کە لەسەر گەڵای دارەکان دەژین، گەڵای داری سەبەحبەح بەهۆیەوە زەرد و وشک دەبێت و هەڵدەوەرێت.
بەپێی پۆستەکەی شارەوانیی چەمچەماڵ، ئێستا هەڵمەتەکە تەنیا درەختەکانی بلواری شەقامەکان دەگرێتەوە، بەڵام لە چەند رۆژی داهاتوودا هەڵمەتەکە دەبەنە باخچەکانی شارەکە و داری باخچەکانیش دەڕشێندرێن.
