رەگەزنامەکەی کوێیە؟
تەرمی کەسێک لە نزیک مەرزی باشماخ دۆزرایەوە
+964
کامیار کەمال – پێنجوێن
تەرمی کەسێکی تەمەن 21 ساڵ لە نزیک مەرزی باشماخ دۆزراوەتەوە کە هیچ ئاسەوارێکی لێدان و گولـلەشی پێوە نییە.
رائید سەرکەوت ئەحمەد وتەبێژی پۆلیسی سلێمانی بە 964ی راگەیاند، کاتژمێر یەکی شەوی رابردوو لە نزیک مەرزی باشماخ، کە مەرزێکی دیکەی لێیە و پێی دەوترێت مەرزی خوێکە دۆزراوەتەوە.
وتیشی، ئەو کەسە گەنجێکی تەمەن 21 ساڵە و رەگەزنامەی وڵاتێکی ئەوروپی هەیە و ویستوویەتی بە قاچاغ بچێتەوە ئێران و پێدەچێت بۆ سەردانی کەسوکاری چووبێت.
ئەوەشی خستەڕوو، تەرمەکە دوای هەڵگرتنەوەی رەوانەی پزیشکی دادی سلێمانی کراوە بۆ توێکاری و لێکۆڵینەوە و پێدەچێت ئەو کەسە جەڵدە لێی دابێت و مردبێت، ئێستاش لێکۆڵینەوە بەردەوامە.
پێداچوونەوە: ئەرسەلان عەبدوڵا
