دیمهنێكی ناو فڕۆكهخانهى ههولێر... وێنه: سۆشیاڵ میدیاى فڕۆكهخانه
ساغكردنه‌وه‌ى 964
هه‌رێمى كوردستان له‌و كێشه ئه‌لیكترۆنیه‌ى جیهان سه‌لامه‌ته
964+
فه‌رهاد حه‌سه‌ن
دواى ئه‌وه‌ى ئه‌و كێشه ئه‌لیكترۆنیه‌ى زۆربه‌ى وڵاتانى جیهانى گرته‌وه، له هه‌رێمی كوردستاندا ئه‌و كێشه‌یه هیچ كاریگه‌رییه‌كى نه‌بووه.
دیلان ره‌شاد، وته‌بێژى وه‌زاره‌تى گواستنه‌وه و گه‌یاندنى هه‌رێمى كوردستان، به 964ـى راگه‌یاند، هه‌رێمى كوردستان له‌و كێشه‌و گرفته ئه‌لیكترۆنییه‌ى كه رووبه‌ڕووى زۆربه‌ى وڵاتانى جیهان بووه‌ته‌وه، سه‌لامه‌ته.
وتیشی “نه فڕۆكه‌خانه‌كانمان، نه سستمى ئینته‌رنێت و ئه‌لیكترۆنییه‌كان هیچ كێشه‌یان نییه و به‌شێوه ئاساییه‌كه‌ى خۆیان كار ده‌كه‌ن”.
ئاماژه‌ى به‌وه‌شكرد، ئه‌و كێشه ئه‌لیكترۆنییه‌ى دروستبووه، ناوچه‌كانى رۆژهه‌ڵاتى ناوه‌ڕاستى نه‌گرتووه‌ته‌وه، بۆیه هه‌رێمی كوردستانیش سه‌لامه‌ته.
هه‌ر ئه‌مڕۆش ده‌سه‌ڵاتى فڕۆكه‌وانى عێراق، رایگه‌یاند، ئه‌و كێشه و گرفته ئه‌لیكترۆنییه‌ى كه ئه‌مڕۆكه زۆربه‌ى وڵاتانى جیهانى گرتووه‌ته‌وه، هیچ كاریگه‌رییه‌كى له‌سه‌ر ئه‌وان نه‌بووه.
وتیشی “فڕۆكه‌خانه‌كانى عێراق ئاسایین و به‌هۆى ئه‌و گرفته ئه‌لیكترۆنییه‌ى دروستبووه، كاریگه‌رى له‌سه‌ر سستمى ئه‌لیكترۆنى نه‌كردووه”.