وێنه: سۆشیاڵ میدیا
نرخی یه‌ك كیلۆ گه‌یشتبووه 1500 دینار
قه‌ده‌غه‌ى سه‌ر هاورده‌كردنى كه‌له‌م و قه‌ڕنابیت هه‌ڵگیرا
964+
فه‌رهاد حه‌سه‌ن
قه‌ده‌غه‌ى سه‌ر هاورده‌كردنى هه‌ردوو به‌رهه‌مى قه‌ڕنابیت و كه‌له‌م بۆ ناوخۆى هه‌رێمی كوردستان هه‌ڵگیراوه و هۆكاره‌كه‌شی ئه‌وه‌یه كه ئه‌م دوو به‌رهه‌مه له‌ناوخۆدا نرخه‌كانیان زۆر به‌رزبوبووه‌وه.
بڕیاره له‌لایه‌ن وه‌زاره‌تى كشتوكاڵى هه‌رێمه‌وه دراوه دواى ئه‌وه‌ى لیژنه‌ى تایبه‌تمه‌ندى چاودێریكردنى بازاڕ تێبینى گرانبوونى نرخه‌كانیان كردبوو.
ئه‌حمه‌د جه‌میل، به‌ڕێوه‌به‌رى گشتى كشتوكاڵى پارێزگاى دهۆك ئه‌م بڕیاره‌ى وه‌زاره‌ته‌كه‌یانى بۆ 964 پشتڕاستكرده‌وه و هۆكاره‌كه‌شی بۆ گرانبوونى نرخه‌كانیان گێڕایه‌وه.
وتیشی “نرخى یه‌ك كیلۆ بۆ هه‌ریه‌ك له كه‌له‌م و قه‌ڕنابێت بۆ هه‌زار و 500 دینار به‌رزبوبووه‌وه، ئه‌مه‌ش بۆ ناوخۆى هه‌رێم له سودو قازانجى هاوڵاتیاندا نه‌بوو، بۆیه بڕیارى قه‌ده‌غه‌كردنه‌كه‌ى هه‌ڵگیرا”.
ئاماژه‌ى به‌وه‌شكرد، نازاندرێت هه‌ڵگیرانى قه‌ده‌غه‌ى سه‌ر ئه‌م دوو به‌رهه‌مه تاوه‌كو كه‌ى به‌رده‌وام ده‌بێت، به‌ڵام وتى “به‌پێی خواستى ناوخۆ و ئاستى نرخه‌كه‌ى مامه‌ڵه له‌گه‌ڵ بڕیاره‌كه ده‌درێت”.
باسی له‌وه‌شكرد، ئه‌م دوو به‌رهه‌مه زۆر به كه‌مى له ناوچه‌كانى هه‌رێمى كوردستان ده‌چێندرێن و ئه‌وه‌ى ده‌شچێندرێت ناتوانێت خواستى بازاڕه‌كانى ناوخۆ پڕبكاته‌وه، بۆیه په‌نا بۆ هاورده‌كردن ده‌درێت.
هاوردەکردن
به باشماخه‌وه ده‌هێندرێنه هه‌رێم
لە سبەینێوە رێگای هاوردە بۆ شووتى و كاڵه‌كى ئێرانى دەکرێتەوە
نووسینگە لە هەولێر دەكاتەوە
سعودیە ئامادەیە بەرهەم و كاڵای كوردستان هاوردەی وڵاتەكەی بكات
هاوردە بازاڕی نەهێشتوون
جوتیارانی پێنجوێن بەنیازی هەولێرن و دەیانەوێت لیژنەکە ببینن
کشتوکاڵیش دەڵێت جارێ زووە