وێنەی تۆمەتبارەکە. فۆتۆ: پۆلیسی سلێمانی
ئۆتۆمبێلەکە دەدرێتەوە بە خاوەنەکەی
لە سلێمانی کەسێک لەسەر دزینی ئۆتۆمبێل دەستگیر کرا
964+
ژووری هەواڵ
لە سلێمانی کەسێک بە تۆمەتی دزینی ئۆتۆمبێلی هاوڵاتییەک دەستگیر کرا و دەستگیرا بەسەر ئۆتۆمبێلە دزراوەکەدا.
ئەمڕۆ هەینی 3.5.2024، سەرکەوت ئەحمەد وتەبێژی پۆلیسی سلێمانی بە 964ـی راگەیاند، هاوڵاتییەک کە خەڵکی ناوەڕاست و باشووری عێراقە ئۆتۆمبێلەکەی لێدزراوە و سکاڵای تۆمار کردووە، ئەوانیش تۆمەتباریان دۆزیوەتەوە و دەستگیریان کردووە.
هاوڵاتییەکە ئۆتۆمبێلەکەی کە لەجۆری تۆیۆتا هایلۆکس بووە، لە نزیک فەرمانگەی دادنوسی سلێمانی راگرتووە و لەوێ تۆمەتبارەکە دزیویەتی.
تۆمەتبارەکە تەمەنی 48 ساڵە و بەپێی ماددەی 446 لە یاسای سزادانی عیراقی راگیراوە و دوای تەواوکردنی رێکارە یاساییەکان، ئۆتۆمبێلەکە رادەستی خاوەنەکەی دەکرێتەوە.
