گەرماکە بەتین تر دەبێت و خۆڵبارینیش دەستپێدەکات

شۆڕش قادری

گەرماکە بەتین تر دەبێت و تۆز و خۆڵێکی سووکیش ئاسمانی کوردستان دەگرێتەوە.

بەپێی پێشبینییەکانی کەشناسی هەرێم، ئەمڕۆ دووشەممە ئاسمان ساف و ساماڵ دەبێت و گەرماکەش کەمێکی دیکە بەرزتر دەبێتەوە بەراورد بە تۆمارکراوەکانی دوێنێ.

بۆ سبەی سێشەممەش، ئاسمان ساماڵ دەبێت، بەڵام لە ئێوارەدا تۆزوخۆڵێکی سووک روو لە کوردستان دەکات و  لە ناوچەکانی باشووری رۆژئاوای هەرێم کەمێک خەست تر دەبێت، بەو هۆیەشەوە مەودای بینین لە هەندێک شوێن بۆ 4 بۆ 6 کیلۆمەتر کەم دەبێتەوە.

لەکاتەکانی دوانیوەڕۆ تاوەکو شەو خێرایی با چاڵاک دەبێت بەجۆرێک لەهەندی ناوچە وەک باشوور و رۆژئاوای هەرێم کاریگەری زیاتر دەبێت بۆ سەرووی 30 کم لە کاتژمێرێکدا.

لەگەڵ ئەوەشدا پلەی گەرما یەک بۆ دوو پلەی دیکە بەرزتر دەبێتەوە و لە گەرمیان دەگاتەوە 46 پلەی سیلیزی.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ:

هەولێر: 41 پلەی سیلیزی

پیرمام: 38 پلەی سیلیزی

سلێمانی: 40 پلەی سیلیزی

چەمچەماڵ: 41 پلەی سیلیزی

دهۆک: 41 پلەی سیلیزی

زاخۆ: 41 پلەی سیلیزی

هەڵەبجە : 43 پلەی سیلیزی

حاج ئۆمەران : 31پلەی سیلیزی

گەرمیان : 45 پلەی سیلیزی