زاخۆ.. گەنجێک بە پێنج گوللـە کوژرا
964+
شڤان عەبدولڵا – زاخۆ
گەنجێکی تەمەن 31 ساڵی لە نزیک پردی دەلال دەکوژرێت و بکوژیش رایکردووە.
دوای نیوەڕۆی ئەمڕۆ یەکشەممە، کاتژمێر 3:30ـی خولەک، لەنزیک پردی دەلال لە زاخۆ، گەنجێکی تەمەن 31 ساڵان لەلایەن کەسێکەوە بە پێنج گوللـەی دەمانجەی لێدەدرێت و دەستبەجێ هەر لەو گیان لەدەست دەدات.
ئەمیر عەلی، بەرپرسی راگەیاندنی تەندروستی زاخۆ بۆ 964+ وتی: گەنجەکە ناوی (أ. ص. خ) تەمەنی 31 ساڵانە، لەنزیک پردی دەلال کوژراوە و لاشەکەی رەوانەی پزیشکی دادی کرا.
ئەحمەد رەمەزان، بەرپرسی راگەیاندنی پۆلیسی زاخۆ لەسەر ئەو رووداوە قسەی بۆ 964+ کردووەو دەڵێ: زور نزیکن لەدەستبەسەرکردنی تاوانبار، دوای دەستگیرکردنی تاوانبار رووندەبێتەوە هۆکاری کوشتنی ئەو گەنجە چیبووە.