لە هەولێر 10 بەنزینحانە داخران

964+

وریا فتاح

لەلایەن لیژنەى پشکنینى قایمقامییەتى هەولێرەوە، 10 بەنزینخانە داخران، سزاى پێبژاردنى هەر بەنزینخانەیەکیان کەمترینى یەک ملیۆن و 500 هەزار دینارە.

نەبەز عەبدولحەمید، قایمقامى هەولێر بە 964ـى وت، لە درێژەی بەدواداچوون و چاودێریکردنی لیژنەکانی پشکنین و چاودێری و چڕکردنەوەی سەردان و پشکنینە لەناکاوەکان بۆ بەنزینخانەکان، بەهۆی فرۆشتنی بەنزینی کوالێتی خراپ و پابەندنەبوونیان بە رێنماییەکان، 10 بەنزینخانە لە هەولێر داخران.

بە وتەى قایمقامى هەولێر، لە 24.2.2024 تا 29.2.2024، لەلایەن لیژنەى پشکنینەوە، 108 بەنزینخانە پشکنینیان بۆ کراوە.

لەبارەى سزاى پێبژاردنى ئەو بەنزینخانانەوە، قایمقامى هەولێر وتى، “هەر بەنزینخانەیەک کەمترینى بە یەک ملیۆن و ، 500 هەزار دینار سزا دەدرێت و زۆرترینیشى دەگاتە 5 ملیۆن”.

ئاشکراشی کرد جگە لە سزای ماددی، هەریەکە لەو بەنزیخانانەی سزادراون، چەند رۆژێکیش دادەخرێن.

بەنزینخانە داخراوەکان ئەمانەن:

-وێستگەی باران-2/رێگای خەبات

– وێستگەی وار ئۆیل/رێگای خەبات

-وێستگەی دڵنیا

-وێستگەی فیراڕی

-وێستگەی باخەوان

-وێستگەی باکوور

-وێستگەی پێشمەرگە

وێستگەی بەهەست

-وێستگەی کەرکوك

-وێستگەی دونیا

نەوت و کانزاکانی هەولێر بەنزینخانەکان ئاگادار دەکاتەوە