دیمەنى رووداوەکەى رێگاى گەلى لێتان لە نزیک گوندى ماوەت لە سنورى سیدەکان وێنە: هاتووچۆى سۆران
لە بەرزاییەوە کەوتووەتە خوارەوە
رووداوێکى هاتووچۆ گیانلەدەستدانى لێکەوتەوە
964+
وریا فەتاح
لە سنوورى سیدەکان، رووداوێکى هاتووچۆ روویدا و بەهۆیەوە کەسێک گیانى لەدەستداوە و کەسێکى تریش بریندار بوو.
هاتوچۆى سۆران بڵاوى کردەوە، لە رێگاى گەلى لێتان لە نزیک گوندى ماوەت لە سنوورى سیدەکان، رووداوێکى هاتوچۆ لە جۆرى لادان و وەرگەڕان روویدا.
وەک ئەوەى هاتوچۆى سۆران ڤیدیۆى رووداوەکەى کردووە، ئۆتۆمبێلەکە لە جۆرى نیسان دەبڵ بووە و دواى وەرگەڕان هەڵدێراوە و بەهۆیەوە سەرنشینێک گیانى لەدەستداوە و شۆفێرەکەش بریندار بووە.
رووداوەکە بەیانى ئەمڕۆ سێشەممە روویداوە و بە وتەى وتەبێژى هاتوچۆى سۆران، هۆکارەکەى پابەندنەبوونى شۆفێرەکە بووە بە رێنماییەکان و خێرالێخوڕین.
