چ جۆرێک گران بووە؟
سبەی ڤالنتاینە و گوڵ گران بووە
964+
زه‌ید كۆچه‌ر – دهۆك
به بۆنه‌ی هاتنه‌وه‌ی رۆژی ڤالانتاینه‌وه، نرخی گوڵ له بازاڕه‌كانی دهۆكدا گران بووه، به تایبه‌تی یه‌ك جۆریان.
گوڵفرۆشێك به 964ی وت، ئه‌مساڵ نرخی گوڵی سوور گران بووه، به‌ڵام جۆره‌كانی دیكه نرخیان هه‌روه‌ك خۆیه‌تی.
ئه‌و هه‌روه‌ها ئاشكرای كرد، كه ئه‌وانه‌ی زیاتر له‌و رۆژه‌دا گۆڵ ده‌كڕن، عاشقه‌كانن.
گوڵفرۆشه‌كه‌ی بۆ 964 قسه‌ی كردووه، ئاشكرای ده‌كات بۆكسی گۆڵیان هه‌یه نرخه‌كه‌ی 750 دۆلاره و له لایه‌ن موشته‌ریشه‌وه پێشه‌كی داواكراوه، بۆ ئه‌وه‌ی ئه‌وان بۆ سبه‌ی بۆی ئاماده بكه‌ن.
سبه‌ی 14.2 رۆژی خۆشه‌ویستییه له ته‌واوی دنیا، كه به ڤالانتاین ناسراوه و له‌و رۆژه‌دا عاشقه‌كان و هاوژینه‌كان و ته‌نانه‌ت هاوڕێیه‌كانیش گوڵ و دیاری پێشكه‌ش به یه‌كتر ده‌كه‌ن.
داڕشتنه‌وه: ئه‌رسه‌لان عه‌بدوڵا
