لە بۆردومانێکی ئیسرائیلدا راوێژکارێکی سوپای پاسداران کوژرا

964+

ژووری هەواڵ

میدیای فەرمی ئێران کوژرانی راوێژکارێکی سوپای پاسدارانی وڵاتەکەی لە بۆردومانێکی ئیسرائیلدا بۆسەر باشووری شاری دیمەشق راگەیاند.

ئەمڕۆ هەینى 2.2.2024، ئاژانسى تەسنیمى ئێران هەواڵى کوژرانى سەعید عەلى دادى، راوێژکارى سوپاى پاسدارانى ئێرانى لە دیمەشق لە بۆردوومانێکى ئیسرائیل بۆ سەر باشوورى شارى دیمەشق لە سووریا، بڵاوکردەوە.

بەشێک لە ئاژانسە جیهانییەکان رایانگەیاند، جگە لەو راوێژکارەی سوپای پاسداران، لە بۆردوومانەکەی ئیسرائیلدا بۆ سەر باشوورى شارى دیمەشق، سێ ئەندامى سوپاى پاسدارانى ئێران کوژراون و تەنیا ناسنامەى راوێژکارەکە ئاشکرا کراوە.

سوپاى سووریاش کەوتنەخوارەوەى چەند موشەکێکى ئیسرائیلى لە باشوورى دیمەشق، راگەیاند بەبێئەوەى زیانەکان دیاریی بکات.

ئەوەش لەکاتێکدایە، دوێنێ ئاژانسی رۆیتەرز رایگەیاند پاسدارانی ئێران بەرپرسە باڵاکانیان لە سوریا دەکشێنێتەوە، لەدوای چەند هێرشێک کە لەلایەن ئیسرائیلەوە کرایە سەر سوریا.

ئێران بەرپرسە باڵا ئەمنییەکانی لە سوریا دەکشێنێتەوە