لە هەولێر پاڵەوانیەتی نمایشی ئەسپی جوانی عەرەبی بەڕێوەچوو

964+

هێژا خەسرەو ـ هەولێر

بە بەشداری چەندین ئەسپی گرانبەها لە یانەی ئەسپسواری هەولێر پاڵەوانیەتی جوانی ئەسپی عەرەبی بەڕێوەچوو، هەروەها پاڵەوانیەتییەکە بۆ سبەی شەممە هەر بەردەوام دەبێت بەهۆی زۆری ژمارەی ئەسپەکانەوە.

رێکخەرانی پاڵەوانیەتییەکە دەڵێن: هەوڵێکی زۆرماندا و زۆر ماندوو بووین بۆ ئەوەی ئەم پاڵەوانیەتییە بە باشترین شێوە بەڕێوەببەین، چونکە ئەسپەکان چەند مانگێکە ئامادەکراون و ئێمەش ماوەیەکی زۆرە بۆ رێکخستنەکە بەردەوام کارمان کردوە.

وتیشی، دەمانەوێت پاڵەوانیەتی و وەرزشی ئەسپسواری لە هەولێر ناوبانگێکی باشی هەبێت.

خاوەن پلەکانی یەکەم و دووەم و سێیەم میدالیای زێڕ، زیو و برۆنز وەردەگرن، لەگەڵ ئەوەشدا خەڵاتی دارایی بۆ ئەسپەکە و راهێنەری ئەسپەکە، هەروەها خاوەنی ئەسپەکەش هەیە.
پێداچوونەوە: توانا نەقی