زاخۆ بوو بە خاوەنی فەرمانگەی ژینگە

964+

پێشەوا محەمەد

ئیدارەی سەربەخۆی زاخۆ بوو بە خاوەنی فەرمانگەی ژینگە و بەڕێوەبەرەکەشی کارنامەی خۆی بۆ 964 ئاشکرا دەکات.

964 دەزانێت تا ئێستا فەرمانگەکە بە تەواوی ئامادە نەبووە و بەڕێوەبەرەکەشی دەستبەکار نەبووە، بەڵام فەرمانەکان دەرکراون و لە ئاییندەیەکی نزیکدا دەستپێدەکەن.

مان محەمەد کەریم، بەڕێوەبەری فەرمانگەی ژینگەی هەڵەبجە بە 964ـی وت، “لەگەڵ دەستبەکاربوونم دەمەوێت یەکەم کارم کەمکردنەوەی دوکەڵ و دەنگی مۆلیدە ئەهلییەکان بێت، کە زۆر ژینگە پیس دەکەن”.

ئاماژەی بەوەش دا، دووەم کاری زیادکردنی رێژەی سەوزایی سنوورەکەیە و سێیەم هەنگاویشی دەیەوێت کارگەکانی سنوورەکە بە جێبەجێکردنی رێنماییە ژینگەییەکان پابەند بکات.

ئیدارەی زاخۆ نزیکەی 350 هەزار دانیشتووی هەیە و تا ئێستا فەرمانگەی ژینگەی نەبووە.

“رەنگە لەو ماوەیەدا کە فەرمانگەی ژینگە نەبووە رێنماییەکانی دەستەکە وەک پێویست جێبەجێ نەکرابن، ئێمە هەوڵ دەدەین لە خزمەتی خەڵک و ژینگەی ئیدارەکە و کوردستاندا بین”، ئەوەش قسەی مان محەمەدە.

یەک ملیون دار لە زاخۆ دەچێندرێن