لە ناو کۆیە دوو بەنزینخانە دوای سزای دارایی داخران

فەرهاد حەسەن

قائمقامیەتى قەزای كۆیە سزادانی دوو بەنزینخانە راگەیاند، هۆکارەکەش دەرنەچوونی نموونەی بەنزینەکەیان بووە.

ئاماژەی بەوەکرد، لە ئەنجامی گەڕان و بەدواداچوونی لیژنەی سووتەمەنی قایمقامیەت بۆ بەنزینخانەکانەکانی سنورەکە بەهۆی پابەند نەبوون بە رێنمایی و بڕیارەکان، لیژنە پشت بەستوو بە یاسا و رێنماییەکان و بەهۆی دەرنەچوونی نمونەی بەنزینەکەیان بڕیاردرا بە سزادانی دوو بەنزینخانانە.

سزادانی بەنزینخانەی سەردەم  لە ناو شاری کۆیە، بە بڕی یەک ملیۆن و 500 هەزار دینار و داخستنی  بۆ ماوەی چوار رۆژ ، هەروەها  سزادانی بەنزینخانەی هاوڕێ لە ناو شاری کۆیە، بە بڕی 500 هەزار دینار و داخستنی تاوەکو گۆڕینی تەواوی بەنزینەکەی.