لە هەولێر و دهۆک نرخی ئەمپێری کارەبا گرانتیرین بووە

964+
ئەحمەد مستەفا

لە هەولێر و دهۆک نرخی کرێی مۆلیدە ئەهلییەکان بۆ مانگی رابردوو گرانترین بووە لەسەر ئاستی هەرێمی کوردستان، هەروەک لە هەڵەبجە و سلێمانی هەرزانتر بووە.

بەگوێرەی سۆراغی 964، نرخی یەک ئەمپێر کارەبای مۆلیدە لە هەولێر 13هەزار و500 دینار بۆ 16هەزار دینار بووە، لە دهۆک 15 هەزار و 500 دینار بووە، هەروەها سلێمانی 10 هەزار بۆ 11 هەزار دینار بووە و هەڵەبجە نۆ هەزار و 500 دینار بۆ 10 هەزار و 250 دینار بووە.

خۆران تەحسین، سەرۆکی ئەنجومەنی باڵای مۆلیدە ئەهلییەکانی هەولێر لە روونکردنەوەیەکدا ئاماژەی بەوەکردووە، کارەبای نیشتمانی شاری هەولێر لە چاو شارەکانی تر کەمترە و چەندین مانگە وەکو خۆی ماوەتەوە، ئێمەش وەکو ئەنجومەنی باڵای مۆلیدە ئەهلییەکانی هەولێر و دەوروبەری لەبەر زۆر کارکردنی موەلیدەکان توشی زەرەو زیان بووینەتەوە.

هاوکات قایمقمایەتی سلێمانی دەڵێت، لەماوەی مانگی 11 لە نێوان 225 بۆ 250 کاتژمێر مۆلیدە ئەهلییەکانی پارێزگای سلێمانی کاریان کردووە، هەروەک له‌كۆنووسیاندا لەگەڵ خاوەن مۆلیدەکان جه‌ختیان له‌وه‌ كردوه‌ته‌وه‌، كه‌ له‌ كاتی كوژاندنه‌وه‌ی كاره‌بای نیشتیمانی نابێت پێدانی كاره‌با به‌هاوڵاتیان له‌ 10 خوله‌ك زیاتر بخایه‌نێت.

مۆلیدە ئەهلییەكانی سلێمانی ناڕەزایەتی دەردەبڕن