وێنەی دەستگیر کراوەکە. فۆتۆ: ئاسایشی سلێمانی
خۆی حەشاردابوو
کەسی سێیەمی باندێکی بازرگانیکردن بە مادەی هۆشبەر دەستگیر کرا
964+
ژووری هەواڵ
کەسی سێیەمی ئەو باندە دەستگیر کرا کە مانگی رابردوو لەلایەن ئاسایشی سلێمانیەوە 50 کیلۆ مادەی هۆشبەریان پێگیرا.
ئەمڕۆ هەینی 1.12.2023، عەقید سەلام عەبدولخالق، وتەبێژی دەزگای ئاسایشی هەرێم بە 964ـی راگەیاند، کەسی سێیەمی باندەکە بازرگانێکی دیکەی مادەی هۆشبەرە و خۆی حاشاردابوو.
لە رێکەوتی 17.11.2023، دوو کەسی هەمان باند، لە یەکێک لە گەڕەکەکانی شاری سلێمانی دەستگیر کران، ئاسایش رایگەیاند، تۆمەتبارەکان لەکاتی گواستنەوەی مادە هۆشبەرەکاندا گیراون.
دوو کەسە دەستگیر کراوەکە بڕی 50 کیلۆ مادەی هۆشبەریان لەجۆری کریستاڵ پێبووە و سەرقاڵی گواسەتنەوەی بوون.
هەموو تۆمەتبارەکان بە مادەی 25 لە یاسای بەرەنگاربوونەوەی مادە هۆشبەر و کارتێکارە ئەقڵیەکان راگیراون و ئاسایش دەڵێت، لێکۆڵینەوە لە دۆسیەکانیان بەردەوامە.
