دوو لەوانەی گیانیانلەدەستداوە ژنن
ئۆتۆمبێڵێکی نەهێشتنی تاوان دوو ئۆتۆمبێڵی دیکەی شێلا
964+
کاروان ساڵحی – کەرکوک
کەمێک لەمەوبەر لەنزیک بازگەی کۆنی یەکی حوزەیران لە گەڕەکی حوزەیرانی کەرکوک، ئۆتۆمبێلێکی جۆری فۆرد، سەر فەرمانگەی نەهێشتنی تاوانی حکومەتی عێراق لەدوو ئۆتۆمبێلی دیکەی دا و سێ کەس گیانیانلەدەستدا و سێ کەسی دیکەش برینداربوون.
عەدنان سومەیدەعی شایەتحاڵ لە شوێنی رووداوەکە بە 964ـی وت، ئۆتۆمبێلێکی نەهێشتنی تاوان لە سایدی خۆیەوە بەهۆی تەڕی شەقامەوە کۆنتڕۆڵی لەدەستداوە و هاتووەتە سایدی بەرامبەر و لە دوو ئۆتۆمبێلی دیکەی داوە.
ئەو شایەتحاڵە دەڵێت، سێ کەس گیانیانلەدەستداوە دووانیان ژنن.
سەرچاوەیەک لە نەخۆشخانەی کەرکوکی گشتی بە 964ـی وت، سێ تەرم و چوار بریندار گەیشتووەتە نەخۆشخانە، یەکێک لە بریندارەکان بارودۆخی تەندروستی باش نییە.
پێداچوونەوە: فەهمی نەبی
