نۆیەمین فێستیڤاڵی وەرزشی پەروەردەی بەردەڕەش بەڕێوەچوو

964+
زەید کۆچەر-دهۆک

نۆیەمین فێستیڤاڵی وەرزشیی گۆڕەپان و مەیدانی بەڕێوەبەرایەتی پەروەردەی بەردەڕەش، ئەمڕۆ چوارشەممە 8.11.2023 بەڕێوەچوو، 20 قوتابخانە بەشداربوون.

حەسیب گۆران، بەرپرسی بەشی چالاکی وەرزشی و دیدەوانی سەر بە بەڕێوەبەرایەتی پەروەردەی بەردەڕەش بە 964ی وت، دەتوانین بلێین لە فێستیڤاڵەکەدا هەموو یارییەکانی گۆرەپان و مەیدان و ئەنجام دران.

وتیشی، یاری راکردن لە 100م تا 1500م ئەنجام درا، لەگەڵ چەندین پێشبڕکێی دیکەی وەک “خۆهەڵدان، بازی بەرز، راکردنی بەربەست ورێڕەو و چەند جۆرێکی دیکە.

فێستیڤاڵەکەی بەردەڕەش لەسەر ئاستی قوتابخانەکانی ئامادەیی و بنەڕەتیی کچان و کوڕان بەڕێوەچوو، کە 20 قوتابخانە بەشدار بوون و نزیکەی 320 یاریزان لە 16 پێشبڕکێ بۆ قوتابخانەکانی ئامادەیی کوڕان بەشداربوون، هەروەها 12 پێشبڕكێ بۆ ئامادەیی و بنەڕەتییەکانی کچان بە یەکەوە ئەنجام دران و ئەنجامەکان بەم جۆرە بوون:

ئامادەییەکانی کوڕان

ئامادەیی بەردەڕەش – پلەی یەکەم

ئامادەیی دارەتوو – پلەی دووەم

ئامادەیی رۆڤیا و کەلەک – پلەی سییەم

بنەڕەتی و ئامادەییەکانی کچان

ئامادەیی بەردەڕەش – پلەی یەکەم

راپەرینی بنەڕەتی کچان لە بەردەڕەش – پلەی دووەم

ئەستێرەی کچان لە ناحیەی رۆڤیا – پلەی سێیەم.

پێداچوونەوە: ئەرسەلان عەبدوڵا

یەکەمین چالاکی تیمی وەرزشی گەرۆک ئەنجامدرا

+4