ڤایرۆسی كۆرۆنا
زوو زوو بیرمان دەخەنەوە
ته‌ندروستیی جیهانی: خۆتان بۆ په‌تایه‌كی نوێ ئاماده بكه‌ن
964+
ئه‌رسه‌لان عه‌بدوڵا
تێدرۆس ئەدهانۆم گیبریسوس، بەڕێوەبەری گشتیی رێکخراوی تەندروستی جیهانی پێشبینییەکی ترسناكی سەبارەت بە سەرهەڵدانی پەتایه‌كی نوێ كرد له داهاتوودا.
بەڕێوەبەری رێکخراوە جیهانییەکە داوا لە خەڵک دەکات بەبێ ترس و پشتگوێخستن خۆیان ئامادە بکەن بۆ رووبەڕووبوونەوەی نەخۆشییە مەترسیدارەکەی داهاتوو.
بە وتەی ئەو، ئەوەی ئێستا زانایانی نیگەران کردووە، یەک پرسیارە، “ئەمە کەی روودەدات؟”
دەشڵێت: ناتوانین رێگە بدەین هەڵەکانی رابردوو دووبارە ببنەوە، بۆیە ئێستا وڵاتانی ئەندامی رێکخراوی تەندروستیی جیهانی لە دانوستاندان، هەروەها رێککەوتنێکی نوێ ئامادە دەکرێت سەبارەت بە خۆپاراستن لە پەتا و ئامادەکاری و وەڵامدانەوە، هەروه‌ها هەموارکردنەوەی رێسا تەندروستییەکان.
چاودێرانی رێكخراوی ته‌ندروستی جیهانی پێیان وایه، رەنگە پەتای داهاتوو لە Covid-19 خراپتر بێت، كه وا بكات ژماره‌ی دانیشتوانی جیهان كه‌م بكاته‌وه.
لای خۆیەوە دکتۆر ڤلادیسلاڤ جیمچوگۆڤ پسپۆڕی بەرگری و نەخۆشییە درمەکان هۆشداری دەدات و دەڵێت: هێشتا پەرەسەندنی میکرۆبه‌كان کۆتایی نەهاتووە، بەڵکو بەردەوامە و ناوەستێت.
له دوای بڵاوبوونه‌وه‌ی ڤایرۆسی كۆرۆنا “كۆڤید 19” له لایه‌ن رێكخراوی ته‌ندروستی جیهانی و زانایان و هه‌ندێك كه‌سایه‌تی دیاری دنیا، چه‌ندین جاره هۆشداری له باره‌ی بڵابوونه‌وه‌ی ڤایرۆسێكی به‌هێزتر ده‌درێت و داوا ده‌كرێت خه‌ڵك له ئاماده‌باشیدا بێت.
