کنە و پشکنین لە دوو شوێنی شوێنەواری هەولێر دەستیپێکرد

964+

فەهمی نەبی

دوو تیمی زانکۆی ئەمریکی لە دوو شوێنی هەولێردا دەستیان بە کنە و پشکنین بۆ گەڕان بە دوای شوێنەواردا کردووە.

نادر بابەک، بەڕێوەبەری شوێنەواری هەولێر ئەمڕۆ پێنجشەممە بۆ 964 وتی، تیمێکی زانکۆی ماکرۆنی ئەمریکی لە گوندی ماستاوەی هەولێر چەند شوێنێکی بۆ کنە و پشکین رادەستکراوە.

وتیشی، “گرێبەستمان لەگەڵ تیمێکی زانکۆی شیکاگۆی ئەمریکا نوێکردەوە و گردی سورێژە، کە دەکەوێتە بەرامبەر وێستگەی بەرهەمهێنانی کارەبای هەولێر رادەستیان کراوە.

بە وتەی نادر بابەک، لە سنووری پارێزگای هەولێردا ئێستا پێنج تیم خەریکی کنە و پشکنین بۆ دۆزینەوەی شوێنەوارن.

بە گوێرەی سەرچاوە شوێنەوارییەکان، لە شاری هەولێر زیاتر لە 900 شوێنی شوێنەواری دەستنیشان کراون.