رۆژنامەی سەباح وا دەڵێت
دادگای باڵای فیدراڵی رێکارەکانی کردنەوەی بارەگای پارتی لە کەرکوک راگرت
964+
فەهمی نەبی
دادگای باڵای فیدراڵی بڕیاری سەرۆک وەزیرانی حکومەتی عێراقی بۆ رێکارەکانی کردنەوەی بارەگای پارتی دیموکراتی کوردستان راگرت.
رۆژنامەی سەباح زمانحاڵی حکومەتی عێراق، ئەمڕۆ یەکشەممە رایگەیاند، رێکارەکانی رادەستکردنی بارەگای پارتی دیموکراتی کوردستانی لە کەرکوک راگرتووە.
بارەگای ئەنجومەنی سەرکردایەتی پارتی لە کەرکوک دەکەوێتە سەر رێگای هەولێر، ماوەی شەش ساڵە دوای رووداوەکانی ساڵی 2017 بوو بە بارەگای هێزە هاوبەشەکانی سوپای عێراق.
ماوەی هەفتەیەکە چەند لایەنێکی عەرەبی لە کەرکوک شەقامی بەردەم بارەگاکەیان داخستبوو، ماوەی دوو رۆژە گرژییەکان لەو شارە گەیشتووەتە ئاستی ئەوەی چوار خۆپیشاندەری کورد کوژراون و 15ی دیکەش بریندار بوونە.