رێگاکانی چۆخماخ، مێوڵاکە و سنگر قیرتاو دەکرێن

964+

پێشەوا محەمەد

رێگای سەرەکی هەرسێ گوندی مێوڵاکە، سنگر و چۆخماخ قیرتاو دەکرێن، کە کەوتوونەتە شارباژێڕی پارێزگای سلێمانییەوە.

رێگاکە زیاتر لە 14 کیلۆمەترە و لە لایەن ناحیەی گاپیڵۆنەوە ئامادەکاری بۆ دەکرێت.

“کارەکانی رێگاکە ئێستا لە قۆناغی تەندەریندایە و بانگەواز کراوە هەر کۆمپانیایەک کارەکە دەکات، بێت و ئۆفەری خۆی بۆ ئەنجامدانی پێشکەش بکات”، ئەوە قسەی کامەران عەبدوڵا، بەڕێوەبەری ناحیەی گاپیڵۆنە بۆ 964.

وتیشی، “ئەو رێگایە ساڵانێکە دانیشتوانی گوندەکان و ئیدارەکەمان داوای قیرتاوکردنی دەکەین و خۆشبەختانە ئێستا رەزامەندی بۆ دەرچووە”.