کارمەندێکی کۆمیسیۆنی هەڵبژاردنەکان لەکاتی راییکردنی کارەکەی.
وادەی تۆماركردنی كاندیدەكان دوو رۆژ درێژکرایەوە
964+
كۆمیسیۆنی هەڵبژاردنەکانی عێراق وادەی تۆماركردنی كاندیدەكانی بۆ هەڵبژاردنی ئەنجومەنی پارێزگاكان، بۆ ماوەی دوو رۆژ درێژکردەوە.
ئەمڕۆ یەکشەممە 20.8.2023، کۆمیسیۆنی هەڵبژاردنەکانی عێراق رایگەیاند، تاوەکو 22.8.2023 رۆژی سێشەممە، کاندیدەکان دەتوانن خۆیان تۆمار بکەن بۆ بەشداریکردن لە هەڵبژاردنی ئەنجومەنی پارێزگاكان.
پێشتریش ئەنجومەنی کۆمسیارانی عێراق بڕیاریدا ماوەی تۆمارکردنی حزب و هاوپەیمانێتییەکان تاکو رێکەوتی 6ی ئابی 2023 درێژ بکرێتەوە.
بڕیارە رۆژی 18ی کانونی یەکەمی ئەمساڵ، هەڵبژاردنی ئەنجومەنی پارێزگاکان لە سەرجەم پارێزگاکانی عێراق، بەبێ هەرێمی کوردستان ئەنجام بدرێت و لەسەر ئاستی عێراق 285 کەس بۆ ئەندامێتی ئەنجومەنی پارێزگاکان هەڵدەبژێردرێن.