ئەگەر دەتەوێت ببیتە پۆلیس داواکاری پێشکەش بکە
964+
هاوبەش ئەبوبەکر
ئیدارەی گەرمیان داوا لە هاوڵاتیانی سنوورەکە دەکات، ئەگەر خوازیارن وەک کارمەندی پۆلیس دابمەزرێن، ئەوا دەتوانن داواکاری پێشکەش بکەن.
ئەمڕۆ یەکشەممە 13.8.2023، چۆمان ئەحمەد، بەڕێوەبەری راگەیاندن و پەیوەندییەکانی ئیدارەی گەرمیان بە 964ـی راگەیاند، چوار کارمەندی پۆلیسیان پێویستە بۆ پاسەوانیکردنی وێستگەی پاڵنەری ئاودێریی کەلار و هاوڵاتیان دەتوانن بە شێوەی ئۆنلاین داواکاری پێشکەش بکەن بە مەبەستی دامەزراندنیان.
پێشکەشکار دەبێت تەمەنی لەنێوان 18 بۆ 30 ساڵ بێت، لە رەگەزی نێر بێت و دانیشتووی سنووری ئیدارەی گەرمیان بێت.
“بۆ ئەم مەبەستە هەر هاوڵاتیەک کە مەرجەکان دەیگرێتەوە، پێویستە لە رێگەی لینکێکەوە فۆرمی دامەزراندن بە رێگەی ئۆنلاین پڕبكاتەوە و وادەی پێشکەشکردن لە 13.8.2023 تا 27.8.2023 دەبێت”، ئیدارەی گەرمیان وا دەڵێت.
لینکی فۆرمی ئۆنلاین: