بەشێک لەو حەبە هۆشبەرانەی بە گرووپەکەوە گیراون - وێنە: بەڕێوەبەرایەتی کاروباری مادە هۆشبەرەکانی عێراق
گەورەترین باندی مادەی هۆشبەر بە 500 کیلۆوە دەستگیرکران
964+
پێشەوا محەمەد
گەورەترین باندی مادەی هۆشبەر بە هاوکاری بەڕێوەبەرایەتی بەرەنگاربوونەوەی مادە هۆشبەرەکانی کوردستان بە 500 کیلۆوە دەستگیرکران.
بەڕێوەبەرایەتی کاروباری مادە هۆشبەرەکانی عێراق بە هاوکاری هەرێمی کوردستان لە ئۆپراسیۆنێکی 72 کاتژمێری باندێکی هەشت کەسی دەستگیر کرد کە 50 کیلۆ تلیاک و 450 کیلۆ حەبی کاپتاگۆنیان پێوەگیراوە.
بەڕێوەبەرایەتییەکە ئەمڕۆ یەکشەممە 6.8.2023 لە راگەیەندراوێکدا دەڵێت، ئۆپراسیۆنەکە لە ماوەی 72 کاتژمێردا بە هاوکاری بەڕێوەبەرایەتی بەرەنگاربوونەوەی مادە هۆشبەرەکانی هەرێم ئەنجامدراوە.
باندەکە لە هەشت کەس پێکهاتوون، لە کاتی دەستگیرکردنیان 50 کیلۆ تلیاک و 450 کیلۆ حەبی کاپتاگۆنیان پێوەگیراوە.
بە پێی راگەیەندراوەکە، “ئەو باندە دابینکەر و هەناردەکاری سەرەکی مادەی هۆشبەر بووە لە عێراقدا، کە تاوانەکانی تا ناوەند و باشوور و رۆژئاوای عێراق درێژ بووەتەوە”.
ئەوەش روونکراوەتەوە، سەرۆکی باندەکە لەناو دەستگیرکراواندایە و “مادە هۆشبەرەکانیشیان لە شوێنە سەختەکان لەژێر زەویدا شاردووەتەوە و دەرگای شاراوەیان هەبووە”.