گەرما لە کەلـلەی شەیتان نایەتە خوارەوە

ژووری هەواڵ

کەشناسی دەڵێت، پلەکانی گەرما لە دابەزین وەستاون و کێرڤەکە بەرەو سەرەوەیە، ئەمڕۆ وەک دوێنێ گەرمە و سبەی گەرمتریش دەبێت.

ئەمڕۆ یەکشەممە تینی گەرما لە گەرمیان دەگاتە 47 پلەی سیلیزی و لە حاجی ئۆمەرانیش 31.

بەشی پێشبینی لە وەزارەتی گواستنەوە و گەیاندنی هەرێمی کوردستان ئەم داتایەی بڵاوکردووەتەوە و رایگەیاندووە، ئەم هەفتەیەش دنیا تاوی گرتووە و سارد نابێتەوە.

ئەم هاوینە هێندە گەرم بوو، دەزگا جیهانییەکانی بواری کەشناسی، تەمموزی ئەمساڵی 2023یان بە گەرمترین مانگ لە مێژووی تۆمارکراوی گەرمادا دیاریی کرد.