دانیشتووانی گوندێک لە ئەرکی خۆیان رێگەی گوندەکەیان کۆنکرێت کرد

+964

پێشەوا محەمەد

دانیشتووانی گوندی وێڵەدەر قۆناغی سێیەمی رێگەکەیان کۆنکرێت کرد، بەوەش تا ئێستا یەک کیلۆمەتر کۆنکرێت کراوە و دوو کیلۆمەتریشی ماوە.

ئەمڕۆ سێشەممە 1.8.2023 دانیشتووانی گوندەکە بە هاوکاری خێرخوازێک کە پارەکەی دابین کردبوو قۆناغی سێیەمی کۆنکرێتکردنیان ئەنجام دا.

بە کۆنکرێتکردنی رێگەکە، سلێمانی و شارباژێڕ بەیەکەوە دەبەسترێنەوە و ئەو فشارە زۆرەی لەسەر تونێلی پێشڕەویشە، کەمدەکرێتەوە.

سەردار حاجی مارف، ئەنجومەنی گوندی وێڵەدەر بە 964ـی راگەیاند، کۆنکرێتکردنی رێگەکە قۆناغ قۆناغ جێبەجێ دەکرێت و سەرجەمیشی بە هاوکاری دانیشتووانی گوند و لایەنە ئیدارییەکان و خێرخوازان کراوە.

گوندی وێڵەدەر سەر بە ناحیەی تانجەرۆیە لە قەزای ناوەندی سلێمانی.