سلێمانی ئامێزی بۆ پاڵەوانیەتی عەرەب دەکاتەوە

964+

یادگار محەمەد – سلێمانی

پاڵەوانیەتی تۆپی سەرمێزی هەڵبژاردەی وڵاتانی عەرەب لە شاری سلێمانی بەرێوەدەچێت.

لە رۆژانی 28. 7 بۆ 4. 8. 2023 و لەنێو هۆڵی کۆلێجی پەروەردەی زانکۆی سلێمانی، پاڵەوانیەتی وڵاتانی عەرەب بۆ یاری تۆپی سەرمێز دەستپێبکات و هەڵبژاردەی ئاستە تەمەنە جیاوازەکانی عێراقیش بە 12 یاریزانی کوردەوە رکابەری دەکات.

هێڤی تەها، ئەندامی فیدراسیۆنی تۆپی سەرمێزی عێراق بە 964ـی راگەیاند، پاڵەوانیەتییەکە لەسەر هەردوو ئاستی کوڕان و کچانە و بۆ کوڕان پێنج ئاستی جیاوازی تەمەن بەشداری دەکات و بۆ کچانیش دوو ئاست رکابەری دەکات.

وتیشی، بەهۆکاری ئەوەی بەردەوام شاری سلێمانی یاریزانی ئاست بەرزی یاری تۆپی سەرمێزی هەبووە و ژێرخانی وەرزشیشی زۆرباشە، پاڵەوانیەتییەکەی لێ ئەنجام دەدرێت.

پاڵەوانیەتی تۆپی سەرمێزی وڵاتانی عەرەب بە بەشداری 12 هەڵبژاردە بەرێوەدەچێت.

پێداچوونەوە: توانا نەقی