کۆیە کێشەی ئاوی نییە کێشەی دابەشکردنی هەیە

964+

پێشەوا محەمەد

ئیدارەی قەزای کۆیە کێشەکانی ئاوی خستووەتە بەردەم وەزیری شارەوانی و ئەویش بەڵێنی چارەسەرکردنی بەشێکیان پێداون.

چەند رۆژێک بەرلەئێستا قائیمقامیەتی قەزاکە لەگەڵ وەزیری شارەوانی و گەشتوگوزاردا کۆبوونەتەوە و کێشەکانی خۆیانیان پێوتوون.

“کۆیە کێشەی کەمئاوی نییە بەڵام کێشەی دابەشکردنمان هەیە و ئەوەش پڕۆژەمان هەیە کە 500 ملیۆن دیناری تێدەچێت و وەزیر بەڵێنی جێبەجێکردنی دا”، ئەوە قسەی حاکم تارق حەیدەر، قایمقامی کۆیەیە بۆ 964.

وتیشی، “پڕۆژەی ئاوی بۆگرد – کۆیە کە یەک ملیار دیناری پێشتر بۆ تەرخانکراوە و کۆمپانیاکە کێشەی وەرنەگرتنی پارەی هەیە باس کرا و وەزیر بەڵێنی جێبەجێکردنی دا”.