گەنجێک لە زێی گەورە خنکا

شۆڕش هەرکی – هەولێر

رووداوەکانی خنکان بەهۆی مەلەکردن، لەهەرێمی کوردستان بەرەو هەڵکشانە و ئێوارەی ئەمڕۆش گەنجێک لەزێی گەورە لە کاتی مەلەکردندا خنکا.

بەهۆی بەرزبوونەوەی پلەکانی گەرما، رۆژانە هاوڵاتیانی سنووری قەزای خەبات، سەردانی زێی گەورەدەکەن ، بۆخۆفێنکردنەوە، بەڵام زۆرجار ناگەڕێنەوە.

رائید ئامانج محەمەد، بەڕێوەبەری بەرگری شارستانی خەبات بە 964ی وت، ئێوارەی ئەمڕۆ یەکشەممە دوای کاتژمێر ئاگادارکراینەوە، لە هەبوونی رووداوێکی خنکان.

وتیشی، “کاتژمێر 6:35 توانیمان تەرمی گەنجەکە بدۆزینەوە، گەنجەکە تەمەنی 20 ساڵە و دانیشتووی قەزای خەباتە و خوێندکارە، لەکاتی مەلەکردن لە رووباری زێی گەورە خنکاوە”.

تەنیا لەماوەی ئامساڵدا رووداوەکان بە خنکان لە ئاودا لە هەرێمی کوردستان گەیشتە 56 کەس کە گیانیان لەدەستداوە.

ثیداچوونەوە: توانا نەقی