سەرچنار چاوەڕێی حكومەتە

پێشەوا محەمەد

گەشتوگوزاری سلێمانی چاوەڕوانی ئەنجومەنی وەزیرانە بۆ رەزامەندیدان لەسەر ئەو پڕۆژە گەشتیارییەی بۆ سەرچناری سلێمانی پێشنیاری کردووە.

ماوەی زیاتر لە شەش مانگە داواکەیان ناردووە و هێشتا وەڵام نەدراوەتەوە.

بەپێی پلانە ئامادەکراوەکە، دەروازەیەک لای هۆتێل ئەبوسەنا لە بەشی رۆژهەڵاتی سەرچنارەوە دادەندرێت و هەتا کەمپی نوێی زانکۆی سلێمانی دەکرێت بە یەک پڕۆژەی گەشتیاریی گەورە.

ئارام شوانی، وتەبێژی گەشتوگوزاری سلێمانی بە 964ـی راگەیاند، بە جێبەجێکردنی ئەو پڕۆژەیە سلێمانی لە رووی سەوزایی و گەشتیارییەوە دەباتە پێشەوە و کاریگەریی گەورەی لەسەر راکێشانی گەشتیار دەبێت.

وتیشی، “تا ئێستا هیچ وەڵامێکمان لە ئەنجومەنی وەزیرانەوە بەدەست نەگەیشتووە بۆ ئەنجامدانی پڕۆژەکە”.