کارمەندێک یەکێک لە بەخچەکانی سلێمانی ئاو دەدات - وێنە: بەڕێوەبەرایەتی باخچەکانی سلێمانی
ئاودانی باخچە و بلوارەکانی سلێمانی رێکدەخرێتەوە
964+
پێشەوا محەمەد
بەڕێوەبەرایەتی باخچەکانی سلێمانی ئاودانی باخچە و بلوارەکانی ناو شاری سلێمانی رێکخستووەتەوە و ئێستا رۆژانە سەرجەمیان ئاو دەدرێن.
جگە لە بلواری شەقامی شەست مەتری و سلێمانی – تاسڵوجە کە بیری خۆیان هەیە، سەرجەم باخ و بلوارەکانی تر لە رێگەی تەنکەرەوە رۆژانە ئاو دەدرێن.
سلێمانی 470 باخچە و 88 بلواری هەیە.
عەلی حامید، وتەبێژی بەڕێوەبەرایەتی باخچەکانی سلێمانی بە 964ـی راگەیاند، هیچ باخ و بلوارێکی سلێمانی کێشەی بێئاوی نییە و رۆژانە سەرجەمیان ئاویان پێدەگات.