بەهای دۆلار بە بەرزی دەمێنێتەوە

964+

پێشەوا محەمەد

بەهای دۆلار نایەتە خوار 145  هەزار دینارەوە، هۆکارەکەی بۆ ئەوە دەگەڕێندرێتەوە، کە حکومەتی عێراق و بانکی ناوەندی دەیانەوێت بەو جۆرە بمێنێتەوە.

لەگەڵ ئەوەشدا پلانیان هەیە نەهێڵن نرخی 100 دۆلار بگاتە سەر و 150 هەزار دینار.

جەبار گۆران، وتەبێژی بازاڕی دۆلارەکەی سلێمانی بە 964ـی راگەیاند، حکومەتی عێراقی دەزانێت هاوڵاتیان لەو نرخەدا کێشەیان نییە و ئەوەش لە بەرژەوەندی حکومەتەکەیەتی.

وتیشی، “نرخ و بەهای دینار بەرامبەر دۆلار بانکی ناوەندی و حکومەتی عێراقی مامەڵەی پێوەدەکەن و لێدوانی سیاسی و کەسایەتییەکان کارگەری لەسەر دانانێن”.

نرخی 100 دۆلار لە بازاڕەکانی هەرێم لەنێوان 146 هەزار بۆ 148 هەزار دینار بەرزونزم دەکات.