بلدۆزەرێک شەقامی یەکێک لە گەڕەکەکانی ئەڵایی دەکوتێتەوە. فۆتۆ: شارەوانی سلێمانی
بە نزیکەی ملیارێک دینار جادەی خۆڵ لە گەڕەکەکانی ئەڵایی نامێنێت
964+
هاوبەش ئەبوبەکر
لە شارۆچکەی ئەڵایی لە ناحیەی بازیان، دوو پرۆژە جێبەجێ دەکرێن و نزیکەی ملیارێک دیناریان بۆ تەرخان کراوە.
پرۆژەکان بریتیین لە قیرتاوکردنی هەموو گەڕەکەکانی شارۆچکەی ئەڵایی و دروستکردنی شۆستە.
کۆی ئەو بڕە پارەیەی بۆ پرۆژەکان تەرخانکراوە بریتییە لە 938 ملیۆن و 552 هەزار و 500 دینار.
ئەمڕۆ دووشەممە 17.7.2023، زەردەشت رەفیق، وتەبێژی شارەوانی سلێمانی بە 964ی وت، ئەرکی جێبەجێکردنی پرۆژەکان سپێردراوە بە کۆمپانیای سۆکار و لە رۆژی 25.6.2023ـەوە دەستبەکار بووە.
داهاتی پرۆژەکان لەسەر فرۆشی 100٪ـی زەوی شارۆچکەکە بۆ پەرەپێدانی هەرێمەکان و بودجەی تەرخانکراو دابین دەکرێت.