پاڵەوانێتی شەتڕەنج بۆ ژنانی هەولێر بەڕێوەچوو

964+

مەریەم ئەحمەد – هەولێر

ڤیدیۆ

پاڵەوانێتی شەتڕەنج بۆ ٢٠ یاریزانی ژن لە هەولێر بەڕێوەچوو، بە بۆنەی ١٦ رۆژەی بەرەنگاربوونەوەی توندوتیژی بەرانبەر ژنان.

لە لایەن بەڕێوەبەرایەتی بەرەنگاربوونەوەی توندوتیژی دژ بە ژنان و ژمارەیەک رێکخراوی ناحکومی هەڵمەتێکی ١٦ رۆژە راگەیەندراوە بۆ بەڕێوەچوونی چالاکی ژنان.

محەمەد خەلیل، سەرپەرشتیاری شەتڕەنجی یانەی وەرزشی هەولێر بە 964+ی وت، ئەوان وەکو هەستاون بە کردنەوەی پاڵەوانێتییەکە، کە تێیدا ٢٠ ژن بەشدارن.

وتیشی، ئەوانەی لەم یاریە بەشداربوون تەمەنیان لەنێوان هەشت بۆ ٤٥ ساڵیدا بوو، لە كۆتاییدا یەكەمەكان دەبنە خاوەن خەڵاتی یانەی وەرزشی هەولێر.

شەتڕەنج یارییەکی دوو کەسیی ستراتیژییە، بەوە ناسراوە کە دەبێت یاریزانەکان مێشکیان بە چڕی بەکاربهێنن تاوەکو لە بەرانبەرەکەیان ببەنەوە.