نرخی کرێی پاس دابەزی
964+
دیلان محەمەد جەزا
بڕیارێک دەرچووە بۆ سەرجەم پاسەکانی سلێمانی، ئەو شوێنانەی کرێیان 750 دینارە دەبێت ببێتەوە بە 500 دینار.
ھەندێک لە گەڕەکە دورەکانی سلێمانی لەماوەی رابردوودا نرخی نەفەرێک کرا بوو بە 750 دینار، بەڵام نوسراوێک لە ئەنجومەنی پارێزگای
سلێمانیەوە ئاراستەی گواستنەوەی سلێمانی کراوە، دەبێت نرخی پاس ببێتە 500 دینار لە سەرجەم شوێنەکان.
نرخی سوتەمەنی نزیکەی 200 دینارێک دابەزیوە، بەڵام سەرجەم پێداویستیەکانی ئۆتۆمبێل نرخیان بەرزە، ئەمانە وتەی سدیق محەمەد، بەڕێوەبەری گواستەوەی سلێمانییە بە964 راگەیاندوە.
نوسراو کراوە بۆ سەرجەم لایەنەکان دەبێت نرخی پاس ببێت بە 500 دینار لەسەرجەم ھێڵی پاسەکانی شاری سلێمانی.
لە شاری سلێمانی 1721 پاس ھەیە دابەش بوون بەسەر 25 ھێڵدا، رۆژانە ھاتوچۆ بە ھاوڵاتیان دەکەن.
لە ئێستادا بڕیارەکە نێردراوە بۆ سەرجەم ئەو هێڵانەی نرخیان 750 دینار بووە، دەبێت نرخ داببەزێنن.
سەلام عەبدوڵا شۆفێری پاس باسی لەوەکرد، رێگایان دوورە و بە 500 دینار بۆ ئەوان دەری ناهێنێت، لەبەر ئەوەی تا سەرنشینێک دەگەیەنیتە بەکرەجۆ زۆری پێدەچێت.
پێداچوونەوە: توانا نەقی