وەزارەتی کار و کاروباری کۆمەڵایەتی - وێنە: وەزارەتی کار و راوباری کۆمەڵایەتی لە فەیسبووک
بە هاوکاری وەزارەتی کار
رێکخراوی نێودەوڵەتی کەیسی منداڵانی بێسەرپەرشت و زیندانیکراو دەگرێتەدەست
964+
پێشەوا محەمەد
رێکخراوی Care International لە رێگەی وەزارەتی کار و کاروباری کۆمەڵایەتییەوە هاوکاری پێشکەش بە ژنان و منداڵان و هەژارانی هەرێم دەکات.
ئەو رێکخراوە و وەزارەتی کاروباری کۆمەڵایەتی هەرێم ئەمڕۆ پێنجشەممە 6.7.2023، یاداشتی لێکتێگەیشتنیان لەوبارەیەوە واژۆ کردووە.
“رێکخراوەکە خوی هۆشیاری دەداتە ژنان و دایکان و هەژاران، هاوکات راهێنان بە ستافەکانی پەیوەندیدار بە منداڵانەوە دەکەن بۆ چۆنیەتی پاراستنیان”، ئەوە قسەی زەکییە ساڵح، بریکاری وەزارەتی کار و کاروباری کۆمەڵایەتی هەرێمە بۆ 964.
دەشڵێت، رێکخراوەکە هەندێ کەیسی منداڵانی بێسەرپەرشت و زیندانیکراو دەگرنەدەست و بەڕێوەی دەبەن.
رێکخراوی Care International ساڵی 1945دا دامەزراوە. گرنگی بەرچاو بە ژنان و منداڵان دەدات. ساڵی 2022 لە 111 وڵات و لە رێگەی 1631 پڕۆژەوە هاوکارییەکانیان گەیاندووەتە 174 ملیۆن کەس.