لە ١٠ مانگدا ٤٦٤ رووداوی ئاگرکەوتنەوە لە ئاکرێ و بەردەڕەش روویانداوە
زیانی سەرووی ٥٠٠ ملیۆن دیناریان هەبووە
+964
عەمار عەزیز – دهۆک
لە ماوەی ئەمساڵدا، ٤٦٤ رووداوی ئاگرکەوتنەوە لە هەردوو قەزای ئاکرێ و بەردەڕەش روویانداوەو، سەرووی ٥٠٠ ملیۆن دینار زیانیان هەبووە.
عەقید ئیبراهیم فەریق، بەڕێوەبەری بەرگری شارستانی قەزای ئاکرێ بە +964ـی راگەیاند لە سەرەتای ئەمساڵەوە تا سەرەتای مانگی تشرینی دووەم، ٤٦٤ رووداوی ئاگرکەوتنەوە لەسنووری قەزای ئاکرێ و قەزای بەردەڕەش روویانداوە.
+964 دەزانێت، دوا رووداوی ئاگرکەوتنەوە، دوێنێ دووشەممە بوو لە قەزای ئاکرێ، کە بەھۆی ئاگرکەوتنەوەکە کۆگای قوتابخانەی هنداف لە گەڕەکی ١١ ئازار بەتەواوی سووتا، زیانیش بە چەند پۆڵێکیش گەیشت.
عەقید ئیبراهیم فەریق، زیاتر روونی کردەوە لەم ژمارەیەدا ٨٢ خێوەت و خانوو سووتان، وتی “زیانە داراییەکەشی بە سەرووی ٥٠٣ ملیون و ٩٦٢ هەزار دینار خەملێندراوە”.